Җырлар һәм пироглар белән «Игелек, җылылык һәм хөрмәт көнен» билгеләп үтәбез
Татарстан Республикасы Дәүләт алкоголь инспекциясенең Яр Чаллы территориаль органы эчке базарны үстерү һәм координацияләү бүлеге белгечләре Яр Чаллы шәһәренең «Хезмәт ветераннары өчен Пансионат» МАУ ял итүчеләрне котлауда катнашты. «Игелек, җылылык һәм хөрмәт көне» бәйрәм итү декадасында пансионатта «Эврика» КҮ артистлары, хакимият вәкилләре һәм Яр Чаллы шәһәре ветераннар советы вәкилләре катнашында зур бәйрәм чарасы оештырылды.
Кулланучылар хокукларын яклау бүлеге белгечләре котлау сүзләре белән чыгыш ясадылар, барлык катнашучыларга нык сәламәтлек һәм озын бәхетле тормыш, якыннарының һәм туганнарының игътибарын һәм кайгыртуын тоеп яшәүләрен теләделәр. Аларның фидакарь хезмәтләре, Кама буенда шундый матур, заманча, ак шәһәр төзелешенә керткән өлешләре өчен рәхмәт белдерделәр. Традиция буенча бәйрәм табынына җирле җитештерүче «Чаллы икмәге» ЯАҖнең пироглары бүләк итте.
Очрашу Татарстан Республикасының халык артисты Гөлдания Хәйруллина чыгышы белән дәвам итте.
Яр Чаллы шәһәре башлыгы Н.Г. Мәһдиев исеменнән бәйрәмдә катнашучыларга истәлекле бүләкләр тапшырылды.
Пансионат ял итүчеләр бу чарада актив катнаштылар, артистларга кушылып җырладылар, биеделәр, аларның күзләрендә шатлык һәм рәхмәт яшьләре күренде.
Тантаналы өлештән соң чара ачык һавада биюләр белән дәвам итте, катнашучылар оештырылган бәйрәм өчен чын күңелдән рәхмәт белдерделәр.