«Алексеевск аграр көллияте» студентларына онлайн-форматта кулланучылар хокукларын яклау өлкәсендәге законнарны аңлаттылар
Ел саен ноябрьнең икенче пәнҗешәмбесендә 1989 елда Европа сыйфат оешмасы инициативасы белән оештырылган һәм Берләшкән Милләтләр Оешмасы тарафыннан хупланган Бөтендөнья сыйфат көне билгеләп үтелә. Гадәттәгечә, Бөтендөнья сыйфат көнен бәйрәм итү кысаларында төрле чаралар үткәрелә, алар җәмгыять һәм дәүләтнең тотрыклы үсеше өчен продукция һәм хезмәтләрнең сыйфатын өзлексез күтәрүнең мөһимлеген ассызыклыйлар. Быел сыйфат атнасы «Кулланучылар кыйммәтен булдыру» девизы астында уза.
Татарстан Республикасы Дәүләт алкоголь инспекциясенең Чистай территориаль органы белгечләре тарафыннан, элемтә чараларын кулланып, кулланучылар хокукларын яклау мәсьәләләре буенча «Алексеевск аграр көллияте» дәүләт аграр һөнәри белем бирү учреждениесе студентлары өчен лекция уздырылды.
Кагыйдә буларак, яшь кешеләр Интернет челтәреннән актив файдаланучылар, бу аларга онлайн кибетләрнең даими клиентлары булырга мөмкинлек бирә. Шуңа күрә сыйфатлы товарларны сайлап алу, үз хокукларын һәм алымнарын белү - мөһим күнекмә.
«Кулланучылар хокукларын яклау турында» законга сылтама белән студентларга аңлаешлы рәвештә товарлар, эшләр һәм хезмәт күрсәтүләрнең сыйфаты һәм куркынычсызлыгы турында мәгълүмат җиткерелде, бәйрәм тарихы, кулланучы хокуклары турында сөйләнде. Катнашучылар «кулланучылар культурасы», «товарны сертификацияләү», «мәҗбүри маркировкалау» төшенчәләре белән таныштылар.
Шуны да билгеләп үтәргә кирәк, чара уңай, иҗади, әмма шул ук вакытта танып-белү дулкынында узды, бу яшь буынның товарлар һәм хезмәтләр сыйфаты турында хәбәрдарлык дәрәҗәсен күтәрергә, еш кына килеп туган сорауларга җаваплар алырга мөмкинлек бирде.