Яшел Үзән шәһәрендә һөнәрчелек икмәкләренә дегустация узды
Бөтендөнья сыйфат көненә багышланган чаралар кысаларында «7 Дней» кибетләре челтәрендә Татарстан Республикасы Дәүләт алкоголь инспекциясенең Яшел Үзән территориаль органы, Роспотребнадзорның Татарстан Республикасы буенча идарәсенең Яшел Үзән районындагы территориаль органы белгечләре, «Зеленодольск икмәк комбинаты» ЯАҖ җитештергән һөнәрчелек икмәкләренә дегустация үткәрелде. Кулланучылар судына өч төрле әйбер тәкъдим ителде: «Бодай» азык-төлек икмәге, «Швабский» икмәге, укроп һәм сарымсак белән «Прованс» икмәге. «Швабский» икмәге кулдан җитештерелә, анда күп санда клетчаткалар бар, калория дәрәҗәсе түбән. «Бодай» икмәген озак салкын өлгерү технологиясе буенча кулдан җитештерәләр, бу әлеге икмәкнең үзенчәлеге булып тора. «Прованс» хуш исле икмәген сарымсак һәм укроп өстәп кулдан әзерлиләр. «Яшел Үзән икмәк комбинаты» ЯАҖ маркетологы шәһәр һәм район халкына тәкъдим ителгән продукция, аларның шифалы үзлекләре турында сөйләде. Катнашучылар, тәкъдим ителгән продукцияне тәмләп караганнан соң, аны кибеттән сатып ала алдылар. Чара барышында барлык катнашучыларга кулланучылар хокукларын яклау өлкәсендә мәгълүмати материаллар: «Вестник потребителя Татарстана» газетасы, буклетлар өләшенде.