Яңа Чишмә районының хуҗалык итүче субъектлары өчен ачык тыңлаулар узды
Яңа Чишмә муниципаль районының хуҗалык итүче субъектлары белән 2020 елның 24 ноябрендә онлайн режимда алкогольле һәм спиртлы продукцияне ваклап сату өлкәсендә региональ дәүләт контролен (күзәтчелеген) гамәлгә ашырганда хокук куллану практикасы нәтиҗәләре буенча ачык фикер алышу үткәрелде. Чараны Татарстан Республикасы Дәүләт алкоголь инспекциясенең Чистай территориаль органы начальнигы үткәрде.
Чара барышында хуҗалык итүче субъектлар Яңа Чишмә районы территориясендә контроль-инспекция эшчәнлеге нәтиҗәләре белән таныштылар. Алкогольле һәм спиртлы продукцияне ваклап сату өлкәсендә закон бозуларга юл куймау максатыннан чыгып, контрольлек итүче субъектларга аңлаешлы рәвештә гамәлдәге законнар аңлатылды, Татарстан Республикасы территориясендә «кега» транспорт тарасында җитештерелә торган сыра һәм сыра эчемлекләрен, сидр, пуаре, медовуха маркировкалау буенча эксперимент кертү турында мәгълүмат җиткерелде.
Нәтиҗә:
2020 елның 10 аенда Татарстан Республикасы Дәүләт алкоголь инспекциясенең Чистай территориаль органының контроль-күзәтчелек эшчәнлеге нәтиҗәләрен караганда, Яңа Чишмә муниципаль районының хуҗалык итүче субъектларына алкогольле һәм спиртлы продукцияне ваклап сату өлкәсендә закон бозуларны булдырмау максатыннан практик күрсәтмәләр бирелде. Чарада катнашучыларга тәкъдимнәр, искәрмәләр һәм сорауларны контрольлек итүче орган адресына җиткерү мөмкинлеге бирелде. Чара ахырында хуҗалык итүче субъектларны кызыксындырган мәсьәләләр буенча тиешле консультацияләр һәм киңәшләр бирелде.