Бәяләр мониторингын ай саен үткәрү мәгълүматны анализлау өчен кирәк
Татарстан Республикасы Дәүләт алкоголь инспекциясенең Казан территориаль органы эчке базарны үстерү һәм координацияләү бүлеге эшчәнлегенең бер юнәлеше булып ай саен бәяләр мониторингы үткәрү тора.
Татарстан Республикасы дәүләт һәм муниципаль ихтыяҗлары өчен азык-төлек товарларына заказлар урнаштыру системасының нәтиҗәлелеген арттыру, шулай ук бюджет акчаларыннан файдалануның нәтиҗәлелеген арттыру максатларында Татарстан Республикасы Министрлар Кабинеты «Татарстан Республикасының дәүләт һәм муниципаль оешмалары (учреждениеләре) сатып ала торган азык-төлек товарларына максималь бәяләрне формалаштыру турында» 2017 елның 25 сентябрендәге 715 номерлы карар кабул итте. Күрсәтелгән карарда Татарстан Республикасы дәүләт оешмалары (учреждениеләре) сатып ала торган 188 азык-төлек товарлары исемлеге билгеләнде.
Мониторинг үткәрү барышында Казан территориаль органы хезмәткәрләре 2017 елның 25 сентябрендәге 715 номерлы карарда билгеләнгән таләпләр нигезендә һәр позицияне игътибар белән карыйлар. Ә күпләп сатучыларның җибәрү бәяләренең тирбәлеше илнең төрле төбәкләрендә җитештерүчеләрнең бәяләренә турыдан-туры бәйле. Бәяләр барлыкка килүдә продукциянең сезонлы булуы, шул исәптән бәяләр күтәрелү һәм бәйрәмнәрдә продукциянең аерым төрләренә ихтыяҗны арттыру да зур роль уйный.