Чираттагы эш Әтнә районы халкы белән алып барылды
2020 елның 9 декабрендә Татарстан Республикасы Дәүләт алкоголь инспекциясенең Арча территориаль органы эчке базарны үстерү һәм координацияләү бүлеге белгече Татарстан Республикасы Әтнә муниципаль районының күп функцияле үзәгендә кулланучылар хокукларын яклау мәсьәләләре буенча халыкка консультация үткәрде.
Планлаштырылган чара район халкына финанс яктан үз-үзеңне тоту өлкәсендә һәм кулланучы буларак үз хокукларын яклау мәсьәләләрендә белемнәрне арттырырга мөмкинлек бирә. Чөнки нәкъ менә шул өлкәдә мөрәҗәгатьләр халык арасында еш кабатлана, чөнки без барыбыз да кулланучылар булып торабыз. Кулланучы үз хокуклары һәм аны яклау өчен законнар бирә торган мөмкинлекләре турында һәрвакыт беләме? «Кулланучылар хокукларын яклау турында» РФ Законының нәкъ менә шушы нормалары, беренче чиратта, чараларда аңлатыла һәм кирәк булганда, кулланучыга дәгъва яисә дәгъва гаризасы әзерләгәндә ярдәм күрсәтелергә мөмкин.
Гражданнар мөрәҗәгать иткән сораулар шулай ук кәрәзле телефоннарның сыйфатына, көнкүреш билгеләнешендәге катлаулы техник товарларга, азык-төлек товарлары сатып алуга, финанс хезмәтләре күрсәтүгә һәм ТКХ хезмәтләренә кагылышлы иде.
«Халык контроле» дәүләт мәгълүмат системасы аша гражданнарның мөрәҗәгать итү мөмкинлеге турындагы мәсьәләләр кузгатылды. Кулланучылар хокукларын һәм гражданнарның законлы мәнфәгатьләрен яклауның хокукый механизмнарын пропагандалау һәм аңлату эше даими рәвештә дәвам итәчәк.