Кулланучы өчен сыйфат мәсьәләсе мөһим: сыра сайлау буенча үткәрелгән анкета нәтиҗәләре турында
Татарстан Республикасы Дәүләт алкоголь инспекциясенең Казан территориаль органы сыра сайлауга багышлап үткәрелгән анкета нәтиҗәләре белән уртаклаша.
Анкеталау өчен сораулар төзегәндә, без теге яки бу марканы сайлап алу мөмкинлеге бирә торган иң мөһим критерийларга таянырга тырыштык.
Супермаркетлар сыра сатып алуның иң популяр урыны булып тора. Ун кулланучының тугызы, гадәттә, сыраны нәкъ менә шунда сатып ала. Моннан тыш, супермаркетлар - сатып алу ешлыгы буенча лидерлар рәтендә. Кулланучы, уртача, супермаркетта айга 5-6 тапкыр сыра сатып ала. Популярлыгы буенча икенче урында - азык-төлек кибетләре. Анда, гадәттә, өч сатып алучының икесе сыра сатып ала. Лареклар һәм палаткалар, аларның уңайлы урнашуына карамастан, өченче урында гына тора. Шул ук вакытта аларда сыра сатып алу ешлыгы аена 1-2 тапкыр, ягъни супермаркетларга һәм гади азык – төлек кибетләренә караганда шактый түбән.
Кулланучыларның 83% ы ешрак фильтрланган ачык сыра сатып ала. 7% ачык фильтрланмаган сырага өстенлек бирә. Караңгы сыраны һәр унынчы кулланучы сайлый. Гомумән алганда, фильтрсыз сыра, караңгы да, ачыгы да, ун кулланучының берсенең генә күңеленә туры килә.
3-5,5% лы сыра аеруча популяр (аны кулланучыларның 90% ы сатып ала). Югары катылык (5,5% тан артык) сыраны кулланучыларның 10% ын гына җәлеп итә. Җиңел һәм алкогольсез сыраны кулланучыларның 3% өлеше генә сайлый.
Кулланучылар ешрак пыяла шешәләрдәге сыраны сайлый (сораштырылучыларның 84%ы). Популярлык буенча икенче алюминий банкадагы сыра. Сату нокталары чикләнгән сыра да үз аудиториясен тапкан.
Сыраның теге яки бу маркасы турында фикер төзеп, кулланучы нинди критерийларга йөз тота соң? Сораштырылучыларның яртысы сыраның көчлелеген атады. Сыра тибы мөһимлеге буенча киләсе критерий булды.
Кулланучыларның 80% тан артыгы стандартлы (3-5, 5%) сыраны сатып алуын исәпкә алсак, кулланучылар үзләре өчен яңа тип сыраның ныклыгына карап эксперимент үткәрү яклы түгел. Алар, үзләре куллана торган сырадан, мәсәлән, бәясенә карап яки башка төстәге сыра яки фильтрация дәрәҗәсе файдасына баш тартырга әзер түгел диярлек.
Сорашып белешүдә катнашкан кулланучылар өчен гадәттә үзләре кулланган тәҗрибә мөһим булып тора. Шуны да билгеләп үтәргә кирәк, кулланучылар өчен бәя роль уйнамый диярлек.
Бу киштәдә сыра бәясе кулланучы өчен психологик яктан яраклы кысаларга салынуын һәм аңа сыра сатып алу өчен акча җитәрме икән дип борчыласы юк. Хәзерге вакытта кулланучы өчен сыйфат мәсьәләсе мөһим.