Товарга экспертиза үткәрү вакыты кулланучы таләбенә бәйле
Товарда җитешсезлекләрнең килеп чыгу сәбәпләре турында бәхәс чыккан очракта, сатучы үз хисабына товарга экспертиза үткәрергә тиеш. Әмма, сатучылар еш кына экспертиза үткәрү срокларын бозалар һәм товарның сыйфатын тикшерүгә тапшырганда экспертиза үткәрү вакытын 20 көн итеп билгелиләр. Шул ук вакытта «Кулланучылар хокукларын яклау турында» РФ Законының 18 статьясы нигезендә экспертиза кулланучының тиешле таләпләрен канәгатьләндерү өчен билгеләнгән срокларда үткәрелә.
Димәк, экспертиза үткәрү вакыты түбәндәгечә:
- Кулланучы сыйфатсыз товар өчен акчаны кире кайтаруны таләп иткән очракта 10 көн эчендә;
- Әгәр кулланучы товарны тиешле сыйфатлы товарга алыштырырга тели икән, 20 көн эчендә;
- Әгәр сүз товардагы җитешсезлекләрне төзәтү турында бара икән, 45 көн эчендә.
Кулланучы товарга экспертиза үткәргәндә дә, аның нәтиҗәләре белән килешмәгән очракта да катнашырга, мондый экспертиза бәяләмәсен бәхәсле дип игълан итәргә хокуклы.
Эксперт бәяләмәсен гамәлгә ашыру срогы сатучыга гариза белән бергә тиешле сыйфатлы товарның сатучыга тапшырылуыннан башлана һәм кулланучыга эксперт бәяләмәсен биргән вакытта тәмамлана.