Кулланучы әлифбасы: техник яктан катлаулы товардагы җитешсезлекләрне ачыклаганда нишләргә?
Билгесез сәбәпләр аркасында техник яктан катлаулы товар ватылганда (сафтан чыкан очракта), сатучы еш кына кулланучыны ялгыш юлга кертә, техник яктан катлаулы товар кире кайтарылырга яки алыштырылырга тиеш түгел һәм аны ремонтларга гына мөмкин, ди. Тик бу һәр очракка да туры килми, әйдәгез, бергәләп өйрәник.
«Кулланучылар хокукларын яклау турында» 07.02.1992 ел, № 2300-1 Законның 18 ст.1 п., техник яктан катлаулы товарда кулланучыга тапшырылганнан соң 15 көн эчендә җитешсезлекләр ачыкланса, кулланучы товарны сатучыга кире кайтаруны яки сатып алу бәясен яңадан исәпләп, шул ук яки башка маркадагы (модель, артикул) товарга алыштыруны таләп итүгә хокуклы.
«Кулланучылар хокукларын яклау турында» 07.02.1992 ел, № 2300-1 Законның 18 ст. 1 п. нигезендә, 15 көн узгач, югарыда күрсәтелгән таләпләр, түбәндәге шартлар үтәлгән очракта канәгатьләндерелергә тиеш:
1) товарның җитешсезлеге ачыкланды («Кулланучылар хокукларын яклау турында» закон преамбуласы нигезендә товарның җитешсезлеге –чикләнмәгән чыгымнар яисә вакытлы чыгымнардан башка юкка чыгарылырга мөмкин булмаган җитешсезлек, яисә кимчелек товарның хезмәт итү дәвамында берничә тапкыр ачыкланса, яисә аны юкка чыгарганнан соң кабат барлыкка килсә, яисә башка шундый);
2) товарның җитешсезлекләрен бетерү буенча законда билгеләнгән сроклар («Кулланучылар хокукларын яклау турында» законның 20 ст. 1 п. нигезендә, якларның килешүе нигезендә билгеләнә торган товарның кимчелекләрен бетерү срогы 45 көннән дә артмаска тиеш);
3) төрле җитешсезлекләрне берничә тапкыр бетерү сәбәпле, гарантия срогы дәвамында һәр ел саен товарны 30 көннән артык куллану мөмкин түгеллеге.
Техник яктан катлаулы товарлар исемлеге Россия Федерациясе Хөкүмәтенең «Техник яктан катлаулы товарлар исемлеген раслау турында» 2011 елның 10 ноябрендәге 924 номерлы карары белән билгеләнгән
Сатып алганнан соң 15 көн эчендә сыйфатсыз техник яктан катлаулы товарны кире кайтарганда (алыштырганда) кыска адымнар:
1) техник яктан катлаулы товарда җитешсезлекләр ачыкланганда, таләпнең төре: кире кайтару яки алыштыру, һәм сатучыга язмача гариза (претензия) белән мөрәҗәгать итәргә кирәк;
2) гаризада (дәгъвада) товарда нинди җитешсезлекләр табылуын күрсәтергә кирәк;
3) товарда җитешсезлекләрнең килеп чыгу сәбәпләре турында бәхәс туган очракта, сатучы үз хисабына товарга экспертиза үткәрергә тиеш.
4) сатучының (җитештерүченең) кулланучы таләпләрен ирекле тәртиптә канәгатьләндерүдән баш тарткан очракта кулланучы үз хокукларының суд яклавын сорап мөрәҗәгать итәргә хокуклы.