«Ике төпле» такси
Татарстан Республикасы Дәүләт алкоголь инспекциясенең Әлмәт территориаль органына Россия Эчке эшләр министрлыгының Азнакай районы буенча бүлегеннән материал алынды. Оператив-эзләү чаралары барышында полиция хезмәткәрләре Азнакай урамнарының берсендә Бөгелмә шәһәренең шәхси эшмәкәре булган «Хендай» маркалы автомобильне туктатты һәм тикшерде. Багажникта федераль махсус маркалар белән маркировкаланмаган һәм пластик шешәләргә тутырылган ундүрт берәмлек алкогольле продукция ачыкланган. Шешәләр 0,5 литрдан 1,5 литрга кадәр, гомуми литры 11,63 литрга кадәр төрле савытлар булган.
Үз аңлатмаларында шәхси эшмәкәр, югарыда санап үтелгән шешәләрдә даруханәдән сатып алынган спирт һәм су кушылмасы булуын аңлатты.
«Республика бәйсез экспертиза һәм кулланучылар базары мониторингы үзәге» дәүләт бюджет учреждениесе эксперты бәяләмәсе буенча, алынган продукция үрнәкләренә экспертиза нәтиҗәсендә, сыеклыкның этил спирты булган алкогольле продукция икәнлеге ачыкланды.
Фаш ителгән хокук бозулар нигезендә, индивидуаль эшкуарга карата РФ КоАП 15.12 статьясындагы 4 өлеше буенча (Россия Федерациясе законнарында каралган мәгълүматны маркировкалау һәм (яки) төшерү мәҗбүри булган очракта, шулай ук РФ КоАП 14.16 статьясындагы 2 өлеше (этил спирты (ваклап сатудан тыш), алкогольле һәм спиртлы продукция әйләнеше (озату документларыннан башка, аларның җитештерү һәм әйләнешенең легальлеген раслый торган федераль закон) турында административ җаваплылык турында ике беркетмә төзү каралган.
Бер беркетмә Татарстан Республикасы Арбитраж судына, икенчесе Әлмәт шәһәр судына карауга җибәрелде.