Базарлы Матак авылында законнарны аңлату буенча чаралар үткәрелде
2021 елның 25 августында Татарстан Республикасы Дәүләт алкоголь инспекциясенең Чистай территориаль органы начальнигы Александр Панов, Татарстан Республикасы Әлки муниципаль районының Базарлы Матак авылында эчке базарны үстерү һәм координацияләү бүлеге белгечләре белән берлектә, кулланучылар хокукларын яклау турындагы законнарны аңлату буенча кулланучылар һәм хуҗалык итүче субъектлар өчен чаралар комплексы үткәрде.
Чаралар барышында Базарлы Матак авыл җирлеге гражданнарын кабул итү, авыл җирлеге башкарма комитеты белгечләре һәм «Олимп» кибете сатучылары өчен семинар-укулар, кулланучылар өчен КФҮ һәм сәүдә предприятиеләрендә консультация өстәлләре, «Алып Хан» сәүдә йортында һәм авыл базарында дежур тору, Базарлы Матак авылы пенсионерлары һәм инвалидлары өчен лекция-әңгәмә оештырылды.
Халык белән аңлату эшләре алып бару һәм хуҗалык итүче субъектлар вәкилләрен укыту кулланучылар базарында кулланучы белемен арттырырга һәм хокук бозуларны киметергә мөмкинлек бирә, бу Татарстан Республикасы Дәүләт алкоголь инспекциясе эшчәнлегендә өстенлекле юнәлеш булып тора.
Чаралар барышында кулланучылар һәм хуҗалык итүче субъектларга кулланучылар хокукларын яклау турында закон нормалары җиткерелде, анда 2021 елның 1 гыйнварыннан үзгәрешләр кертелде. Аерым алганда, товарларны дистанцион ысул белән сатып алу белән бәйле катлаулы ситуацияләрне хәл итү буенча сораулар җентекләп каралды һәм киңәшләр бирде.
Ахырда кулланучылар хокукларын яклау буенча сораулар һәм бәхәсле хәлләр килеп туган очракта, мөрәҗәгать итү өчен оешма телефон номерларын, адресын хәбәр иттеләр.