«Хыял» кибете сатучылары өчен семинар-укулар оештырылды
Татарстан Республикасы Дәүләт алкоголь инспекциясенең Чистай территориаль органы эчке базарны үстерү һәм координацияләү бүлеге белгечләре «Хыял» кибете хезмәткәрләре өчен кулланучылар хокукларын яклау турында законнарны аңлату буенча семинар-укулар оештырды.
Кибет хезмәткәрләренә кулланучылар хокукларын яклау өлкәсендә гамәлдәге законнар, агымдагы елда булган үзгәрешләр турында мәгълүмат җиткерелде. Кибет азык-төлек булмаган товарлар сатуда махсуслашкан, сатучылардан, беренче чиратта, тиешле сыйфатлы товарларны кире кайтару тәртибе турында сораулар килеп иреште, кибеттә нәкъ менә шундый хәлләр еш була. Моның белән бәйле рәвештә «Кулланучылар хокукларын яклау турында» РФ Законының 25 статьясына тәфсилле аңлатма бирелде һәм башка күләмле, формасы, габариты, фасоны, төсе яки комплектацияләү рәвешләре туры килмәгән очракта, тиешле сыйфатлы азык-төлек булмаган товарлар исемлеге каралды. Товарда җитешсезлекләр ачыкланган очракта кулланучыларның хокукларын, сыйфатсыз товар өчен акчаны кире кайтару срокларын һәм кимчелекләре булган товарны алыштыру срокларын да карадылар.
Танышу һәм эштә куллану өчен чарада катнашучыларга кулланучылар хокукларын яклау тематикасы белән буклетлар тапшырылды.