Безнең бурыч - пенсионерларны үз хокукларын якларга өйрәтү
2021 елның 19 октябрендә «Хезмәт ветераннары өчен Пансионат» МАУ бинасында Татарстан Республикасы Дәүләт алкоголь инспекциясенең Яр Чаллы территориаль органының үсеш һәм координацияләү бүлеге белгечләре әлеге пансионатта ял итүчеләр өчен очрашу-лекция оештырды. Биредә өлкән буын кешеләре ял итә, әлеге чараның төп максаты - гражданнарның бу категориясендәге кулланучыларның хокукый белеме дәрәҗәсен күтәрүгә юнәлтелгән. Анда катнашучылар өчен кулланучылар хокукларын яклау өлкәсендәге мәсьәләләр буенча лекция укылды. Тыңлаучыларга Татарстан Республикасы Дәүләт алкоголь инспекциясенең эшчәнлеге турында сөйләделәр, «Кулланучылар хокукларын яклау турында» 07.02.1992 елның 2300-1 номерлы Россия Федерациясе Законының төп маддәләре аңлатылды.
Территориаль орган белгечләре кулланучылар һәм башкаручылар арасында мөнәсәбәтләрне җайга салучы статьяларга күзәтү ясады:
- тәрәзә конструкцияләрен, ишекләрне урнаштыру буенча хезмәт күрсәтү турында;
- индивидуаль заказлар буенча мебель ясаганда;
- товарларны дистанцион ысул белән сатканда;
- сыйфатсыз техник яктан катлаулы товарларны алмаштырганда яки кире кайтарганда;
- күләме, фасоны, төсе буенча туры килмәгән аяк киеме, сыйфатлы кием-салым алыштырганда.
Шәхси тәртиптә ял итүчеләр гамәлдәге законнар нигезендә квалификацияле җаваплар алдылар, шулай ук аларга претензия хаты төзүдә ярдәм күрсәтелде. Чыгыш ясарга планлаштырылган вакыт бик тиз ахырына якынлашты, пенсионерлар үткәрелгән чарадан канәгать калдылар. Пансионатта ял итүчеләр белән киләсе очрашу ноябрь аена планлаштырылган.
Чара барышында катнашучылар арасында актуаль темалар буенча кулланучылар өчен мәгълүмати белешмәлекләр таратылды.