Сыйфат атнасында Алексеевск штб Күп функцияле үзәгендә консультация өстәле оештырылды
Сыйфат атналыгын үткәрүнең төп максаты - җитештерелә торган товарларның югары сыйфатлы булуына игътибарны җәлеп итү. Товарлар – кешеләр һәм әйләнә-тирә мохит өчен куркынычсыз булырга, икенче критерий - барлык товарлар да кулланучыларның билгеләнгән нормаларына, таләпләренә һәм өметләренә җавап бирергә тиеш.
Кулланучының товарлар, эшләр һәм хезмәт күрсәтүләрнең сыйфатына һәм куркынычсызлыгына хокукы «Кулланучылар хокукларын яклау турында» 07.02.1992 елның 2300-1 номерлы РФ Законының 4, 7 ст., Россия Федерациясе территориясендә кулланылырга тиешле Таможня берлегенең техник регламентларында булган таләпләр белән регламентланган.
Сыйфат атнасы кысаларында Татарстан Республикасы Дәүләт алкоголь инспекциясенең Чистай территориаль органы һәм Роспотребнадзорның Татарстан Республикасы буенча территориаль идарәсе белгечләре Алексеевск штб КФҮ филиалында консультация өстәле үткәрде.
Кулланучылар хокукларын яклау мәсьәләләре буенча күчмә консультацияләр РФ Хөкүмәтенең 2017 елның 28 августындагы 1837-р номерлы боерыгы белән расланган 2030 елга кадәр чорга кулланучылар хокукларын яклау өлкәсендә Россия Федерациясе дәүләт сәясәте стратегиясен гамәлгә ашыру кысаларында, шулай ук «Кулланучылар хокукларын яклау турында» 1992 елның 7 февралендәге 2300-1 номерлы РФ Законы таләпләре нигезендә үткәрелә.
Чара гражданнарның хокукый белемен арттыру максатыннан үткәрелде. Чара барышында белгечләр сәүдә, җәмәгать туклануы, медицина хезмәтләре, туризм, торак-коммуналь хезмәтләр өлкәсендә кулланучыларның сорауларына җавап бирделәр. Хуҗалык итүче субъектларның хокукларын яклауның хокукый механизмнары турында шулай ук эшмәкәрләр һәм оешмалар вәкилләре дә консультация ала алдылар.