Семинарлар сериясе дәвам итә
Татарстан Республикасы Дәүләт алкоголь инспекциясенең Казан территориаль органы эчке базарны үстерү һәм координацияләү бүлеге хезмәткәрләре «Кораллар йорты» СК хезмәткәрләре арасында чираттагы укыту семинарын үткәрүгә чакырылды. Семинарда кассирлар, сатучылар, администраторлар һәм компания җитәкчелеге катнашты.
Әлеге сәүдә объекты Казан шәһәре, Җиңү проспекты, 139 нчы йорт, 2 нче корпус адресы буенча урнашкан.
Чираттагы семинарны уздырганда барлык персоналның ачык һәм дустанә булуын билгеләп үтү мөһим. «Кораллар йорты» хезмәткәрләре кулланучылар базары өлкәсенә кагылышлы сораулар бирделәр, җаваплар алдагы эш барышында исәпкә алыныр дип ышанабыз.
Кибет хезмәткәрләренә кулланучы почмагын рәсмиләштерү буенча таләпләр җиткерелде, сатыла торган товарларга бәяләрне рәсмиләштерү һәм урнаштыру кагыйдәләре, сатып алучылар мөрәҗәгатьләрен карау тәртибе аңлатылды.
Россия Федерациясе законнарын еш очрый торган бозулар һәм аларны булдырмау ысуллары, сатучы белән сатып алучы арасында килеп чыккан конфликтлы хәлләрне җайга салу тәртибе каралды.
Очрашу кысаларында кулланучылар хокукларына, шул исәптән дистанцион ысул белән товарлар сатып алганда товарны кире кайтару шартлары һәм сроклары, товарны китергәндә тотылган чыгымнарны каплауга аерым игътибар бирелде.
Катнашучыларның аерым игътибары конфликтлы хәлләргә, шул исәптән сыйфатсыз товарларны кире кайтарганда да, товарларда җитешсезлекләр барлыкка килү сәбәпләренә һәм экспертизалар үткәрү срокларына юнәлтелде.
Хезмәткәрләр сатып алучыларга сыйфатлы хезмәт күрсәтү һәм гамәлдәге законнар нигезендә үз эшчәнлекләрен тормышка ашыру белән кызыксынуларын белдерделәр.
Семинарга чакырулары һәм аны уңышлы оештырган өчен компания җитәкчелегенә һәм хезмәткәрләренә рәхмәт белдерәбез.