X5 Retail Group компаниясенең «Пятерочка» сәүдә челтәре хезмәткәрләре өчен укыту семинары узды
2021 елның 16 декабрендә Татарстан Республикасы Дәүләт алкоголь инспекциясенең Казан территориаль органы начальнигы Марина Егорова X5 Retail Group компаниясенең «Пятерочка» сәүдә челтәре хезмәткәрләре өчен укыту семинары үткәрде. Компания 25 ел элек Россиядә иң яхшы дөнья практикалары буенча заманча ваклап сату компаниясе төзү инициативасы белән барлыкка килгән. Сәүдә челтәренең беренче кибете 1999 елда ачылган иде.
Семинарда Казан шәһәренең «Пятерочка» сәүдә челтәре кассирлары, сатучылар, администраторлары һәм җитәкчелеге катнашты.
Тыңлаучыларга кулланучылар хокукларын яклау өлкәсендә мөнәсәбәтләрне җайга сала торган закон һәм норматив актлар, шул исәптән «Кулланучылар хокукларын яклау турында» 07.02.1992 елның 2300-1 номерлы Россия Федерациясе Законының төп нигезләмәләре, законнардагы үзгәрешләр, товарларны ваклап сату-алу шартнамәсе буенча сату кагыйдәләре (31.12.2020 ел, №2463) турында мәгълүмат җиткерелде.
Түбәндәге сораулар каралды:
* кулланучыга оешма турында кирәкле мәгълүмат бирү;
* товарга түләү тәртибе;
* товарның кимчелекләрен ачыклаганда кулланучы хокуклары;
• сатып алучыдан претензияләр кабул итү һәм аны карау сроклары.
• гарантия һәм пост гарантия йөкләмәләре;
* бәхәсле хәлләрне уңай чишү мөмкинлеге;
• азык-төлек продуктларын сату срокларын үтәү;
• сатыла торган товарга озату документлары һәм башка күп кенә документлары булу бурычы турында.
Товарларның аерым төрләрен сату кагыйдәләрен аңлатканда, азык-төлек товарларын сату алдыннан фасовкалау һәм төргәкләү үзенчәлекләренә, «сөт маен алыштырмаган азык-төлек продуктлары» дигән мәгълүмати язулы продукцияне озату һ. б. мәсьәләләргә кагылдылар.
Шулай ук катнашучыларга кулланучыларның шикаятьләрен һәм мөрәҗәгатьләрен карау тәртибе, сатып алучылар өчен сатучы, товарлар турында, түләнгән товар өчен товар чеклары бирү турында таләпләр аңлатылды.
Компания җитәкчелеге кулланучылар белән низаглы хәлләрне җайга салу, шулай ук хокукый кыр һәм гамәлдәге норматив-хокукый актлар кысаларында килеп туган мәсьәләләрне хәл итү белән кызыксына, дип ассызыклыйбыз.