Ел яңа, ә сораулар шул ук: белгечләр хезмәт ветераннары өчен пансионатта
Яңа 2022 ел җитте. Өлкән буын кешеләре белән даими очрашулар быел да дәвам итә. Татарстан Республикасы Дәүләт алкоголь инспекциясенең Чаллы территориаль органы белгечләре Чаллы шәһәре һәм Тукай районы хезмәт ветераннары өчен пансионатта ял итүчеләр белән очрашу үткәрде. Вируслы пандемия белән бәйле вәзгыять аралашуны чикләргә мәҗбүр итә, ләкин, очрашу кыенлыкларына карамастан, ял итүче пансионатларның барысы да 10шәр кешелек төркемнәргә бүленеп, барлык кагыйдәләрне үтәп оештырылды, лекция һәр төркем өчен аерым үткәрелде. Мондый очрашулар үткәрү формасы үз уңайларына ия, ял итүчеләр үзләрен уңайлы һәм ачыграк хис итә, бик теләп аралаша һәм дискуссияләрдә катнаша. Очрашу кулланучылар базарында хокук бозулар өлкәсендәге сорауларга җаваплар форматында төзелде.
Чара барышында түбәндәге сорауларга җаваплар бирелде:
- техник яктан катлаулы товар бүләк ителде, аны кире кайтарырга һәм акчаны кире кайтаруны таләп итәргә мөмкинме?
- консервланган продукция сыйфатсыз булса, нишләргә?
- күләме буенча туры килмәгән күлмәкне нинди срокта кире кайтарырга була?
- кулланучы сатып алынган товарның сыйфаты буенча сатучыга кайсы вакыт эчендә мөрәҗәгать итә ала?
- дару препаратлары кире кайтарылырга һәм алмашырга тиешме?
Белгечләр яңгыраган барлык сорауларга квалификацияле җаваплар бирделәр, шулай ук белгечләр «Кулланучылар хокукларын яклау турында» 07.02.1992 елның 2300-1 номерлы РФ Законының төп маддәләрен аңлаттылар, «Ваклап сату-алу шартнамәсе буенча товарлар сату кагыйдәләрен раслау турында» 31.12.2020 елның 2463 номерлы РФ Хөкүмәте карарын аңлаттылар, шулай ук Россия Федерациясе Хөкүмәтенең кайбер актларына үзгәрешләр кертү турында сүз барды.
Закон белемнәре кулланучыларга үз хокукларын якларга, товарлар һәм хезмәт күрсәтүләр сатып алганда күңелсезлекләрне булдырмаска һәм кәефне бозмаска ярдәм итәчәк.
Очрашу ахырында чарада катнашучыларга Татарстан Республикасы Дәүләт алкоголь инспекциясе тарафыннан эшләнгән товарлар һәм хезмәтләр турында төрле мәгълүмат белән буклетлар таратылды. Кайнар линия телефоны номеры хәбәр ителде: 88552-71-43-03.