Арча районы Утар Аты мәктәбе укучылары өчен класстан тыш дәрес үткәрделәр
Татарстан Республикасы Арча муниципаль районы Утар Аты төп гомуми белем бирү мәктәбендә 5-9 сыйныф укучыларын Кулланучылар хокукларын яклау тематикасы белән таныштыру буенча сыйныфтан тыш чара үткәрелде. Дәресне Татарстан Республикасы Дәүләт алкоголь инспекциясенең Арча территориаль органы эчке базарны үстерү һәм координацияләү бүлеге начальнигы Ләйсән Абдуллина үткәрде.
Укучылар үзләренең хокуклары һәм якыннарының хокуклары турында күп кенә яңалыклар белән таныштылар, шулай ук закон кысаларында хокукларны ничек яклый алуларын белделәр. Дәресләр практик яктан үткәрелде, территориаль орган практикасыннан мисаллар китерелде. Кулланучылар хокукларын яклау турындагы закон, укучыларның кулланучылар практикасыннан конкрет ситуацияләр буенча фикер алыштылар. Чарада катнашучыларга «Кулланучылар хокукларын яклау» темасына республика Олимпиадасы турында мәгълүмат бирелде һәм аны үткәрү тәртибе аңлатылды. Шулай ук «Халык контроле» системасы эше турында да әйтелде.
Дәрес ахырында белемнәрне тирәнәйтү өчен укучыларга кулланучылар өчен белешмәлекләр, «Вестник потребителя Татарстана» газетасы, кулланучылар хокукларын яклау турында закон һәм эссе җыентыгы өләшенде.