Ноутбукны гарантияле ремонтлау вакыты бозылган
Татарстан Республикасы Дәүләт алкоголь инспекциясенең Арча территориаль органына кулланучы түбәндәге сорау белән мөрәҗәгать итте: гарантия срогы дәвамында ноутбукта җитешсезлекләр ачыкланды, кибеткә гарантия ремонты өчен тапшырды. Квитанциядә күрсәтелгән ремонт вакыты - 45 көн үтте. Мин ноутбуктан баш тартып, түләнгән акчаны кире кайтаруны таләп итә аламмы?
Арча территориаль органының эчке базарны үстерү һәм координацияләү бүлеге белгече кулланучыга «Кулланучылар хокукларын яклау турында» РФ Законы (алга таба – Закон) нормаларын аңлатып, претензия хатын төзүдә ярдәм күрсәтте. Законның 18 ст. 1 п. нигезендә техник яктан катлаулы товарга карата, кулланучы, анда җитешсезлекләр ачыкланган очракта, сату-алу килешүен үтәүдән баш тартырга һәм товар өчен түләнгән сумманы кире кайтаруны таләп итәргә яисә аны шул ук маркадагы (модель, артикул) товарга яки башка маркадагы (модель, артикул) товарга алыштыру турында таләп куярга хокуклы. Әлеге вакыт узгач, бу таләпләр түбәндәге очракларның берсендә канәгатьләндерелергә тиеш: товарның җитешсезлеген ачыклау; товарның җитешсезлекләрен бетерү буенча законда билгеләнгән срокларны бозу; һәр ел дәвамында гарантия срогы дәвамында товарның төрле кимчелекләрен берничә тапкыр бетерү нәтиҗәсендә, 30 көннән артык куллану мөмкинлеге булмау.
Россия Федерациясе Хөкүмәтенең 2011 елның 10 ноябрендәге 924 номерлы карары белән расланган техник яктан катлаулы товарлар исемлегенә шәхси электрон исәпләү машиналары керә (п.7). Моннан күренгәнчә, ноутбук әлеге исемлектә, чөнки ул персональ электрон исәпләү машинасы булып санала.
Законның 20 статьясындагы 1 п. нигезендә, якларның килешү нигезендә язма рәвештә билгеләнә торган товарның җитешсезлекләрен бетерү срогы кырык биш көннән артмаска тиеш.
Җитешсезлекнең товар тапшырылганнан соң 15 көн узгач ачыклануын исәпкә алып, сатучы ноутбуктагы җитешсезлекләрне бетерү буенча законда билгеләнгән срокларны (45 көн) бозуын исәпкә алып, кулланучы товар өчен түләнгән сумманы кире кайтару турында таләп куярга хокуклы.