Кулланучылар мәгарифе мәсьәләләрен олы тормышка чыкканчыга кадәр кичектереп булмый
Кулланучы хокукларын белү һәркемгә товарларның сыйфаты, аларның куркынычсызлыгы, торак, табигать өчен куркынычсызлыгы проблемаларын хәл итү мөмкинлеге бирә, нормаль базар мөнәсәбәтләре булдыруда ярдәм итә. Кулланучылар мәгарифе мәсьәләләрен олы тормышка чыкканчы кичектереп булмый. Алынган белемнәр куллану кыйммәтләренең үз системасын эшләргә ярдәм итәчәк. Кулланучы, хәтта кечкенә генә булса да, үзен төрле ситуацияләрдә яклый белергә, ә моның өчен дәүләт тарафыннан күрсәтелгән үз хокукларын белергә тиеш.
2022 елның 17 июнендә Татарстан Республикасы Дәүләт алкоголь инспекциясенең Арча территориаль органы эчке базарны үстерү һәм координацияләү бүлеге начальнигы Ләйсән Абдуллина Арча районы «Смак-Корса урта гомуми белем бирү мәктәбе» МББУның мәктәп яны лагерында нәни ял итүчеләр өчен чара үткәрде.
Балалар белән әңгәмә безнең оешманың эше белән таныштырудан башланды. Балаларда аеруча зур кызыксыну уята торган товарлар сату-алу мәсьәләләренә, шулай ук кулланучы калырга мөмкин булган төрле ситуацияләрдә кулланучыларның үз-үзләрен дөрес тотуы һәм әлеге ситуацияне ничек хәл итәргә мөмкин булуына аерым игътибар бирелде. Товарда кимчелекләр килеп туган очракта, сыйфатсыз товарны алыштырганда кулланучы, башкаручы, сатучы һәм кулланучыларның төп хокуклары, товарларда мәгълүмат, яраклылык вакыты, дистанцион сәүдә һ. б. төшенчәләр аңлатылды. Аңлату практикадан мисаллар белән алып барылды. Балалар үзләренең уңышсыз сатып алу очраклары турында да сөйләделәр.
Сәламәт яшәү рәвеше алып бару, дөрес туклану турында искәртелде. Продукцияләрне дегустацияләү нәтиҗәләре, кулланучылар хокукларын яклау буенча булачак Олимпиада турында мәгълүмат бирелде.
Балалар-тыңлаучылар бер генә мәгълүматка да битараф калмадылар, әңгәмә җылы атмосферада үтте.
Барлык катнашучылар да, балалар да, әйдаманнар да, «Вестник потребителя Татарстана» газетасы, файдалы брошюралар һәм шатлыклы тәэсирләр алдылар.