Узган елның сентябреннән бирле Азнакай шәһәрендә яшәүче хатын-кызның пластик тәрәзәгә уңышсыз заказ бирү тарихы дәвам итә
Нәкъ менә шул вакытта ул шәһәрнең шәхси эшмәкәрләренә металл-пластик конструкцияне урнаштыру һәм монтажлау хезмәте күрсәтү өчен мөрәҗәгать итәргә булган - гади генә әйткәндә, 15 мең сум алдан түләнгән, тәрәзәгә заказ бирелгән. ПВХ профильләреннән бер тәрәзә заказының гомуми суммасы 29 400 сум тәшкил итте.
Шуннан соң үлчәүләр ясалган, билгеләнгән срок белән килешү төзелгән.
Килешүдән тайпылышлар үзен озак көттермәгән. Җитештерү срогы 21 көн күрсәтелгән, әмма чынлыкта ул бер ай тәшкил иткән. Ләкин көтелмәгән хәлләр моның белән генә тәмамланмый. Иске тәрәзәне сүтеп, аның урынында яңасын урнаштырганнан соң, тәрәзәнең проемага туры килмәве ачыклана – ул кечкенә итеп ясалган, проект һәм килешүдә күрсәтелгән үлчәмнәргә туры килми. Заказчы теләгән төс тә дөрес эшләнмәгән, аның сүзләренә караганда, чынлыкта ул актөслене сайлаган, аның урынына урынына сарыны китергәннәр. Шуннан соң ул җитештерүчегә дәгъва белән мөрәҗәгать итә. Аннан тискәре җавап алгач, үз хисабына экспертиза үткәрә. Әлеге экспертиза нәтиҗәсе гражданка С. файдасына була һәм ул Азнакай шәһәре судына дәгъва гаризасы белән мөрәҗәгать итте. Ул дәгъва һәм дәгъва гаризасы проектларын төзеп, Татарстан Республикасы Дәүләт алкоголь инспекциясенең Әлмәт территориаль органына мөрәҗәгать итте.
Шушы көннәрдә суд утырышы булды, суд карары мөрәҗәгать итүче файдасына кабул ителде.