Кулланучы әлифбасы: медицина эшләнмәләрен лотоклардан сату тыела
Татарстан Республикасы Дәүләт алкоголь инспекциясенең Чистай территориаль органына гражданка Н. кулланучылар хокукларын яклау турында закон өлкәсендә хокукый ярдәм сорап мөрәҗәгать итте. Аның өлкән туганы өенә килгән «Тартмачылар»дан компьютер өчен күзлекләр һәм вак-төякләр сатып алган. Товарлар шактый зур суммага чыккан.
Сатучылар киткәннән соң, «Бу сатучыларның гамәлләре законлымы?» дигән сорау туа. Өстәвенә, компьютер өчен күзлек тә кирәкми икән, тик аны сатып алырга ышандырганнар. Һәм менә шәхси эшмәкәрдән товар сатып алуны раслаучы документ белән гражданка Н.территориаль органга консультация сорап мөрәҗәгать итте.
Кулланучыга Россия Федерациясе Хөкүмәтенең 2020 елның 31 декабрендәге 2463 номерлы карары белән расланган ваклап сату-алу килешүе буенча товарларны сату кагыйдәләренең 7 пунктына нигезләнеп аңлатма бирелде. Кулланучының сәүдә объектларыннан читтә урнашкан урында (өйдә, эш һәм уку урыны буенча, транспортта, урамда һәм башка урыннарда) азык-төлек товарларын куллану упаковкасыннан башка, дару препаратларын, медицина әйберләрен, зәркән һәм башка әйберләрне һәм (яки) кыйммәтле ташларны сату рөхсәт ителми. Шулай итеп, сатучының гамәлләрендә Товарларның аерым төрләрен сату кагыйдәләренең бозылуы ачыклана.
Кулланучылар хокукларын яклау өлкәсендә РФ законнарының мәҗбүри таләпләренең үтәлешен контрольдә тоту һәм күзәтүне кулланучылар хокукларын яклау һәм кеше иминлеге өлкәсендә күзәтчелек буенча Федераль хезмәт башкара.
Кулланучыга Роспотребнадзорның Чистай, Спас, Алексеевск, Яңа Чишмә районнарындагы бүлегенә мөрәҗәгать итәргә тәкъдим ителде.