Халык белән мәгълүмати-аңлату эшләре алып барылды
Татарстан Республикасы Дәүләт алкоголь инспекциясенең Арча территориаль органының эчке базарны үстерү һәм координацияләү бүлеге хезмәткәрләре халыкның хокукый белемен күтәрү һәм кулланучылар базарында хокук бозуларны кисәтү максатыннан Татарстан Республикасында дәүләт һәм муниципаль хезмәтләр күрсәтүнең күпфункцияле үзәгендә (КФҮ) Арча шәһәре, Галактионов урамы, 27 йорт адресы буенча чара үткәрделәр.
Килүчеләргә, шулай ук КФҮ хезмәткәрләренә «Кулланучылар хокукларын яклау турында» 07.02.1992 елның 2300-1 номерлы Россия Федерациясе Законының төп нигезләмәләре турында мәгълүмат бирелде, кулланучылар хокукларын яклау һәм сәүдә кагыйдәләрен үтәү өлкәсендә гамәлдәге законнарны үтәү мәсьәләләре буенча консультацияләр бирелде.
Моннан тыш, кулланучылар мөнәсәбәтләре өлкәсендә актуаль темаларга брошюралар һәм буклетлар рәвешендәге мәгълүмати белешмәлекләр таратылды.
Шунысын да билгеләп үтәргә кирәк, буклетлар тарату халык белән мәгълүмати-аңлату эшенең нәтиҗәле формасы булып тора. Белешмә-мәгълүмат материаллары тар юнәлешле, тәкъдим итү һәм белешмә характерда, кулланучыга Кулланучылар хокукларын яклау өлкәсендә кирәкле мәгълүматны алырга мөмкинлек бирә.