Азык-төлек товарларын сату үзенчәлекләре җиткерелде
Азык-төлек товарларын сату кагыйдәләре РФ Гражданнар кодексы, «Азык-төлек продуктларының сыйфаты һәм иминлеге турында» Федераль Закон, «Кулланучылар хокукларын яклау турында» РФ Законы, шулай ук ваклап сату-алу шартнамәсе буенча товар сату кагыйдәләре белән җайга салына. Сыйфатсыз яки куллану вакыты тәмамланган продукт сатып алучының авыруына китерергә мөмкин, шуңа күрә кибетләргә катгый таләпләр куелган.
2022 елның 23 ноябрендә Арча шәһәрендә И. Н.Закированың яңа ачылган сәүдә объектында Татарстан Республикасы Дәүләт алкоголь инспекциясенең Арча территориаль органы эчке базарны үстерү һәм координацияләү бүлеге башлыгы Ләйсән Абдуллина аңлату чарасы үткәрде. Хокук бозуларны кисәтү максатыннан, хуҗалык итүче субъектка һәм сәүдә объекты сатучыларына ваклап сату-сату шартнамәсе буенча азык-төлек товарларын сату үзенчәлекләре, бәяләрне рәсмиләштерү кагыйдәләре, кулланучы почмагы һәм элмә тактага карата таләпләр җиткерелде, товарларның яраклылык срокларын һәм саклау шартларын күзәтү зарурлыгына басым ясалды.
Кулланучы һәм сатучы арасында барлыкка килергә мөмкин булган конфликтлы ситуацияләр каралды. Коррупциягә каршы юнәлештәге мәгълүмат җиткерелде.
Чара ахырында сәүдә объектына сәүдә кагыйдәләре, «Кулланучылар хокукларын яклау турында» РФ Законы һәм элемтә мәгълүматлары белән белешмәлек тапшырылды.