«Сәламәтлек мөмкинлекләре чикләнгән балалар өчен Чистайның 10нчы мәктәбе» ДБББУ укучыларының куллану белемнәрен арттыру турында
Татарстан Республикасы Дәүләт алкоголь инспекциясенең Чистай территориаль органы белгечләре мөмкинлекләре чикләнгән балалар өчен Чистайның 10нчы мәктәбе укучылары өчен кулланучылар белемнәре нигезләре буенча сыйныфтан тыш дәрес оештырдылар.
Лекция башында өлкән сыйныф укучыларына Татарстан Республикасында кулланучылар хокукларын яклау институтының барлыкка килү тәртибе, Татарстан Республикасы Дәүләт алкоголь инспекциясенең республика кулланучылар базарындагы роле турында гади формада сөйләделәр. Аннары кулланучылар белемнәрен үзләштерү өчен укучыларга кулланучы, сатучы, башкаручы төшенчәләрен аңлаттылар. Сәүдә һәм көнкүреш хезмәте күрсәтү предприятиеләрендә булганда кулланучыларның хокуклары һәм бурычлары белән таныштырдылар. Татарстан Республикасы Дәүләт алкоголь инспекциясенең Чистай территориаль органы практикасыннан мисаллар китерелде. Моннан тыш, укучыларга азык-төлек булмаган сыйфатлы товарларны алыштыруга кулланучыларның хокуклары турында сөйләделәр.
Уку йорты укытучыларына белемнәрен эштә һәм шәхси тормышта куллану өчен кулланучылар хокукларын яклау буенча буклетлар һәм «Татарстан кулланучысы хәбәрләре» газетасы номерлары тапшырылды.