Кулланучылар белеме - халыкка!
2023 елның 17 гыйнварында Арча муниципаль районының Иске Чүриле авылында «Кулланучылар белеме-халыкка!» дигән темага гражданнарны кабул итү узды. Чараны Татарстан Республикасы Дәүләт алкоголь инспекциясенең Арча территориаль органы башлыгы Булат Кадыйров һәм эчке базарны үстерү һәм координацияләү бүлеге башлыгы Ләйсән Абдуллина үткәрде.
Бу чараларны уздыру кулланучылар хокукларын яклау эшенең район халкы өчен файдалы булуын күрсәтә. Кулланучыларга түләүсез хокукый консультация ярдәме күрсәтелә, аның барышында Кулланучылар хокукларын бозу ситуацияләре тикшерелә. Кулланучылар үз хокуклары белән генә түгел, ә дәгъва белдерү вакыты, экспертиза билгеләү һәм үткәрү тәртибе кебек бурычлары белән дә күбрәк кызыксына башладылар. Эшмәкәрләр кулланучының сыйфатсыз товарларга һәм хезмәтләргә карата шикаятен ничек дөрес хәл итәргә һәм шул ук вакытта югалтулар кичермәскә дип кызыксынды. Барлык сораулар буенча да гамәлдәге законнар нигезендә җентекле аңлатмалар бирелде. Мөрәҗәгатьләрен тикшерүне таләп иткән гражданнар Татарстан Республикасы Дәүләт алкоголь инспекциясенең Арча территориаль органы эчке базарны үстерү һәм координацияләү бүлегенә шәхси кабул итүгә чакырылды. Кулланучылар һәм эшмәкәрләр һәрвакыт бәхәсле мәсьәләләрне хәл итәргә, эшне конфликтка җиткермичә, дәгъва белдерү төзергә ярдәм итүче бүлек хезмәткәрләренә мөрәҗәгать итә алалар.
Чара кулланучылар хокукларын яклау мәсьәләләре буенча мәгълүмати брошюралар һәм «Татарстан кулланучысы хәбәрләре» газетасы тарату белән үрелеп барды.