Саба районында күргәзмә-презентация
Саба районының «Камырбатыр» пекарнясы сәүдә объектларының берсендә Татарстан Республикасы Дәүләт алкоголь инспекциясенең Арча территориаль органының эчке базарны үстерү һәм координацияләү бүлеге белгечләре тарафыннан «Камырбатыр» ҖЧҖ җитештерә торган икмәк продукциясенең күргәзмә-презентациясе оештырылды. Күргәзмәнең төп максатлары - район территориясендә җитештерелә торган продукцияне кулланучылар базарына чыгару өчен шартлар тудыру, шулай ук предприятиеләр эшчәнлеген популярлаштыру һәм товар җитештерүчеләр белән кулланучылар арасында туры элемтәләр урнаштыру.
Презентация барышында икмәк продукциясенең киң ассортименты тәкъдим ителде: пироглар, тортлар, чәк-чәк, баллы торт, күмәч эшләнмәләре, кондитер эшләнмәләре һәм башкалар тәкъдим ителде.
Күргәзмәне үткәрү вакытында Татарстан Республикасы Дәүләт алкоголь инспекциясенең Арча территориаль органы хезмәткәрләре җирле продукциянең өстенлеге турында сөйләделәр: чималның натураль булуы, сыйфаты, яңалыгы турында. «Кулланучылар хокукларын яклау» төшенчәсенә нигезләр бирелде. Сатып алучыларга товар һәм җитештерүче турында нинди мәгълүмат тәкъдим ителергә тиешлеге, товарларның билгеләнгән таләпләргә туры килүе нинди документлар белән раслануына аерым игътибар бирелде.
Шулай ук хезмәткәрләр катнашучыларны Татарстан Республикасы Дәүләт алкоголь инспекциясе вәкаләтләре белән таныштырдылар, мәгълүмати буклетлар тараттылар.