Финанс белеме - продуктларны, хезмәтләрне һәм финанс системасы законнарын үз файдаңа куллану осталыгы
Татарстан Республикасы Дәүләт алкоголь инспекциясенең Әлмәт территориаль органы хезмәткәре Наталья Платонова Лениногорск шәһәренең 5 нче мәктәбенең 9а сыйныфы укучылары өчен финанс белеме дәресе үткәрде.
Чара вакытында финанс грамоталылыгы кирәклеге турында сөйләделәр.
Финанс яктан грамоталы кеше нәрсәне аңлата? Ул үзенең иминлеген планлаштыра, чыгымнарны һәм керемнәрне исәпкә ала; средстволар буенча яши; бурычларны минимальләштерә; укый һәм белемнәрен гаиләсенә, якыннарына тапшыра.
«Ни өчен балаларга финанс грамоталылыгы кирәк?» дигән сорауга балалар түбәндәгечә җавап бирделәр:
-Акчага һәм үз чыгымнарыңа җаваплы карау, хыялыңда йөрткән әйберне сатып алу өчен кесә акчаларын туплау, беренче бизнес-проектларын төзү һ. б.
Моннан тыш, балалар белән коррупция мәсьәләсе дә каралды. Социаль чынбарлыкның тискәре күренеше буларак, коррупция теләсә нинди җәмгыятьнең тотрыклылыгы һәм куркынычсызлыгы белән бәйле җитди проблемалар тудыра. Ул әхлакый кыйммәтләрне боза һәм иҗтимагый мөнәсәбәтләрне тәртипкә китерү процессларына тискәре йогынты ясый.
Очрашу барышында катнашучыларның барысына да «Татарстан кулланучысы хәбәрләре» газетасы, Татарстан Республикасы Дәүләт алкоголь инспекциясенең эчке базарны үстерү һәм координацияләү бүлеге хезмәткәрләренең адреслары һәм элемтә телефоннары, товарлар һәм хезмәтләр турында төрле мәгълүмат белән брошюралар һәм буклетлар таратылды.