Укучылар кулланучылар хокукларын яклау турындагы закон нигезләре белән таныштылар
2023 елның 07 февралендә Татарстан Республикасы Дәүләт алкоголь инспекциясенең Арча территориаль органының эчке базарны үстерү һәм координацияләү бүлеге башлыгы Ләйсән Абдуллина Татарстан Республикасы Арча районы Курса-Почмак урта мәктәбенең 8-10 сыйныф укучылары белән сыйныфтан тыш дәрес үткәрде. Дәрес товарлар һәм хезмәтләр сыйфаты проблемаларына җәмгыять игътибарын җәлеп итүгә багышланган иде. Кулланучы, теләсә кайсы яшьтә үзен төрле ситуацияләрдә яклый белергә тиеш, ә моның өчен дәүләт тарафыннан бирелгән хокукларны белергә кирәк. «Кулланучылар хокукларын яклау турында» Россия Федерациясе Законы кулланучылар хокукларын яклау өлкәсендә агарту хокукын гарантияли.
Класстан тыш чараның төп максаты - укучыларны Кулланучылар хокукларын яклау турындагы закон нигезләре, шул исәптән аны куллануның практик аспектлары белән таныштыру. Тематик дәрестә товарлар, техник-катлаулы товарлар, тиешле һәм сыйфатсыз товарлар сатып алганда кулланучылар хокукларын яклауның көнүзәк мәсьәләләрен, җәмәгать туклануы, финанс хезмәтләре күрсәтү өлкәсендә кулланучылар хокукларын яклау, товарлар сатуның дистанцион ысулы һ.б. мәсьәләләрне тикшерделәр. Чарада яшь аудитория мәнфәгатьләрен исәпкә алып әзерләнгән укыту материаллары (белешмәлекләр һәм мәгълүмати брошюралар) кулланылды.
Шулай ук укучыларга «Кулланучылар хокукларын яклау» дигән темага республика Олимпиадасы, Татарстан Республикасы Дәүләт алкоголь инспекциясендә үткәрелә торган азык-төлек дегустацияләре һәм аның нәтиҗәләре турында мәгълүмат бирелде.
Чара ахырында викторина үткәрелде. Укучыларга кулланучылар өчен белешмәләр, файдалы «Татарстан кулланучысы хәбәрләре» газетасы таратылды.