Минзәлә районында яшәүчеләрнең куллану грамоталылыгын арттырабыз
Татарстан Республикасы Дәүләт алкоголь инспекциясенең Яр Чаллы территориаль органы хезмәткәрләре даими нигездә ведомствога караган районнарга күчмә чаралар үткәрәләр.
Бу атнада эчке базарны үстерү һәм координацияләү бүлеге белгечләре халыкның куллану грамоталылыгын арттыру максатларында чираттагы мониторинглар һәм профилактик чаралар үткәрү өчен Минзәлә муниципаль районына чыктылар. Төрле юнәлештәге мониторинглар үткәрүдән тыш, белгечләр сәүдә объектлары җитәкчеләре һәм сатучылары белән аралаштылар, анда гамәлдәге законнарны аңлаттылар һәм кулланучылар базары өлкәсендәге сорауларга җавап бирделәр. Минзәлә халкы өчен «грамоталы кулланучы» акциясе үткәрелде. «Пятерочка» һәм «Магнит» кибетләренә килүчеләргә кулланучылар мөнәсәбәтләре өлкәсендә рус һәм татар телләрендәге актуаль темаларга мәгълүмати белешмәләр һәм буклетлар тәкъдим ителде. Акциядә катнашучыларның барысына да Яр Чаллы территориаль органының кайнар линия телефоны эше турында хәбәр иттеләр: 8 (8552)71-43-03.