Консультация өстәле барышында кулланучыга товарга экспертиза үткәрү сроклары аңлатылды
Консультация өстәле вакытында Чистай территориаль органы белгеченә гражданка П.товарларга экспертиза үткәрү сроклары турындагы сорау белән мөрәҗәгать итте. Кышкы аяк киемен сатып алганнан соң, гарантия срогы дәвамында ул анда кимчелекләр ачыклаган. Сатучы сатып алучыны эксплуатация кагыйдәләрен бозуда гаепли һәм товарны экспертизага җибәрергә карар кыла, тик срокларын кулланучыга әйтми. Кулланучы закон нигезендә экспертиза үткәрү вакытын белергә булган.
Гражданкага «Кулланучылар хокукларын яклау турында» РФ Законының 18 статьясындагы 5 пункты аңлатылды.
Сатучы товарда җитешсезлекләр ачыкланган очракта, тиешле сыйфатта булмаган товарны кабул итәргә һәм товарның сыйфатын тикшерергә тиеш. Кулланучы мондый тикшерүдә катнашырга хокуклы. Товардагы җитешсезлекләр килеп чыгу сәбәпләре турында бәхәс булган очракта, сатучы товарга үз хисабына экспертиза үткәрергә тиеш. Кулланучы шулай ук товарга экспертиза үткәргәндә катнашырга һәм аның нәтиҗәләре белән килешмәгән очракта мондый экспертиза бәяләмәсен суд тәртибендә бәхәсләшергә хокуклы. Товар экспертизасы нәтиҗәсендә аның кимчелекләре сатучы җавап бирми торган шартлар нәтиҗәсендә килеп чыкса, кулланучы сатучыга экспертиза үткәрүгә, шулай ук аны уздыруга бәйле чыгымнарны, товарны саклау һәм күчереп йөртү өчен түләргә тиеш.
Кулланучы товар өчен түләнгән акчаны кире кайтару таләбе куйса, экспертиза ун көн дәвамында үткәрелергә тиеш.
Әгәр кулланучы товарны алыштыруны таләп итә икән, товар экспертизасы егерме көн эчендә үткәрелергә тиеш.
Әгәр кулланучы товарның җитешсезлекләрен бетерүне таләп итә икән, экспертиза үткәрү вакыты кырык биш көннән артмаска тиеш.
Шулай итеп, товарларга экспертиза үткәрү вакыты катгый регламентланган.