Лениногорск муниципаль районы Советы утырышы узды
21 февральдә Лениногорск шәһәрендә район Советы муниципалитетның 2022 елда социаль-икътисадый үсеш йомгакларына һәм 2023 елга бурычларына багышланган утырышы узды. Катнашучылар алдында район башлыгы Рәгать Хөсәенов чыгыш ясады. Ул билгеләп үткәнчә, ел йомгаклары буенча Лениногорск районы республика муниципаль районнарының социаль-икътисади үсеше рейтингында 14 нче урынны били.
«Кече һәм урта бизнес-икътисадның мөһим өлеше", - дип билгеләп үтте район башлыгы. Районда терлекчелек тармагында эшләүче 7 эре һәм 18 крестьян-фермер хуҗалыгы бар. Алар 4 мең тоннадан артык терлек һәм кош ите җитештергән, 14 мең тоннадан артык сөт савылган, 62 млн данә йомырка алынган, 15 тонна балык үстерелгән. Фермер хуҗалыкларына ярдәм итү кысаларында ике хуҗалык «Агростартап» программасы буенча сөт юнәлешендәге ферманы үстерүгә грант отты.
Мәдәният сарае фойесында предприятие һәм оешмалар продукциясе күргәзмәсе оештырылды.
Ел саен Лениногорск «Виктория» ҖЧҖ теплица хуҗалыгы үз продукциясен тәкъдим итә, яңа кыяр һәм яшелчәләр белән сөендерә, Лениногорск кошчылык фабрикасы сайлап алынган йомыркаларын тәкъдим итте, сөт продукциясен: «Туфу», «Качотта», «Адыгейский», «Арыслан йөрәге», «Голланд» төрләрен һәм ике төрле атланмайны «ДЕЛОВСЫРЕ» ҖЧҖ тәкъдим итте.
«В.П. Чкалов исемендәге Шөгер урта мәктәбе» МББУ укучылары «Татнефть» ПА «Яшел эз» проекты буенча «in vitro» шартларында үсемлекләрне микроклональ үрчетү программасы белән килгәннәр иде. Мәктәпнең үз лабораториясе бар, анда 3 атнага кадәр үсемлекләр үстерелә, аннары аларны Азнакай шәһәренең ботаника бакчасына җибәрәләр.
Татарстан Республикасы Дәүләт алкоголь инспекциясенең Лениногорск районындагы Әлмәт территориаль органы хезмәткәре Наталья Платонова, Лениногорск муниципаль районының икътисад бүлегенең 1 категорияле белгече Мария Нуруллина белән берлектә, әлеге чарада кулланучылар өчен «Кулланучылар хокукларын яклау» темасын киң яктыртучы күргәзмәле басма мәгълүмат белән түгәрәк өстәл оештырып, кулланучылар өчен кизү торды.