Баулы районы Советы сессиясе эшендә кизү тордылар
Баулы шәһәрендә муниципаль район Советының йомгаклау сессиясе узды.
Мәдәният сарае фойесында җирле товар җитештерүчеләрнең товарлары күргәзмәсе оештырылды.
Күргәзмәдә даими катнашучы булып Садыйков Р.А. «Баулы сөте» крестьян-фермер хуҗалыгы тора. Күргәзмәдә җитештерелә торган продукциянең тулы линейкасы тәкъдим ителде. Җитештерелә торган продукция ассортименты бик киң, ул районда да, Татарстан Республикасыннан читтә дә кулланучыларга яхшы таныш.
Шулай ук күргәзмәдә «Баулы он комбинаты» ҖЧҖ үз продукциясен тәкъдим итте. Әлеге предприятие 2018 елдан бирле эшли. Җитештерү куәте елына 48000 тонна тәшкил итә.
Район башлыгы Баулы районында электрон сәүдә дә үсүен билгеләп үтте. 2023 елның 1 гыйнварына маркетплейсларда 165 предприятие һәм шәхси эшмәкәр эшли.
Татарстан Республикасы Дәүләт алкоголь инспекциясенең Баулы районындагы Әлмәт территориаль органы хезмәткәре Кадрия Галиева, башкарма комитет бүлеге белгече Галина Повольнова белән берлектә, әлеге чарада кулланучылар законнары нигезләрен аңлату буенча кизү тордылар, маркетплейсларда эшләүче шәхси эшмәкәрләр өчен түгәрәк өстәл оештырдылар. «Кулланучылар хокукларын яклау турында» РФ Законының 26.1 статьясы каралды.