Яр Чаллы шәһәренең «Алтын Ай» сәүдә үзәгендә чара узды
Татарстан Республикасы Дәүләт алкоголь инспекциясенең Яр Чаллы территориаль органы хезмәткәрләре тарафыннан Яр Чаллы шәһәренең «Алтын Ай» сәүдә йортында чара уздырылды.
Чара барышында Россия Федерациясенең 07.02.1992 елгы 2300-1 номерлы «Кулланучылар хокукларын яклау турында»гы Законының төп нигезләмәләре, РФ Хөкүмәтенең 31.12.2020 елгы 2463 номерлы карары каралды.
Әлеге чара кулланучылар хокукларын яклау көненә багышлана, ул ел саен 15 мартта билгеләп үтелә. 2023 елда ул экологик чиста энергиягә күчү аша кулланучыларның хокукларын һәм мөмкинлекләрен киңәйтү девизы астында уза.
Чара кысаларында кулланучылар тарафыннан дәгъва белдерү ысуллары һәм тәртибе, конфликтлы ситуацияләрне караганда якларның хокуклары һәм бурычлары, сыйфатсыз күрсәтелгән хезмәтләр белән проблемаларны хәл итү, сыйфатлы һәм сыйфатсыз товарларны кайтару һәм алмашу мәсьәләләре буенча бушлай консультация каралган.
Шулай ук кулланучылар базарында хокук бозуларны кисәтү максатыннан «Алтын Ай» кибете сатучылары өчен семинар-уку үткәрелде.
Чара барышында Кулланучылар хокукларын яклау өлкәсендәге мәсьәләләрне хәл итү турында мәгълүмат белән буклетлар таратылды.