ФСИН хезмәткәрләре арасында кулланучылар белемен арттырабыз
Ел саен 15 мартта Бөтендөнья кулланучылар хокукларын яклау көне билгеләп үтелә. 2023 елда ул «Экологик чиста энергиягә күчү аша кулланучыларның хокукларын һәм мөмкинлекләрен киңәйтү» девизы астында уза.
Кулланучылар хокукларын яклау гражданнарның тормыш дәрәҗәсенә тәэсир итә, намуслы товар җитештерүчеләр өчен бизнес алып баруның уңай шартларын тудыра һәм икътисад үсешенең мөһим факторы булып тора, шуңа күрә бәйрәм һөнәри даирәләрдә һәм җәмгыятьтә киң хуплау алды.
15.03.2023 көнне Казан территориаль органының эчке базарны үстерү һәм координацияләү бүлеге башлыгы Марсель Шаһидуллин җәзаны үтәү Федераль хезмәте хезмәткәрләре өчен чара үткәрде.
Тыңлаучыларга кулланучылар хокукларын яклау өлкәсендәге мөнәсәбәтләрне җайга салучы законнар һәм норматив актлар турында мәгълүмат бирелде: «Кулланучылар хокукларын яклау турында» 07.02.1992 елның 2300-1 номерлы Россия Федерациясе Законының төп нигезләмәләре, РФ Хөкүмәтенең 31.12.2020 елның 2463 номерлы карары белән расланган Россия Федерациясендә халыкка көнкүреш хезмәт күрсәтү Кагыйдәләре каралды.
Чара мәгълүмати материаллар тарату белән үрелеп барды: кулланучылар хокукларын яклау өлкәсендәге актуаль темаларга гамәлдәге законнарны аңлатучы брошюралар һәм буклетлар рәвешендәге белешмәлекләр.