Питрәч районы укучылары өчен семинар уздырдык
Кулланучылар хокукларын яклау — кулланучы (шәхси, гаилә, өй һәм эшкуарлык эшчәнлеге белән бәйле булмаган башка ихтыяҗлар өчен товар яки хезмәт сатып алучы физик зат) һәм эшкуарлык эшчәнлеге субъекты — җитештерүче, башкаручы, сатучы арасында барлыкка килгән һәм кулланучыларның конкрет хокукларын билгеләүне үз эченә алган мөнәсәбәтләрне җайга салуга юнәлдерелгән дәүләт һәм иҗтимагый хәрәкәтләр тарафыннан гамәлгә ашырыла торган чаралар комплексы, хокук бозулар һәм аларны яклау механизмы, кулланучылар хокукларын бозу өчен җаваплылык. Безнең һәрберебез, иртәме-соңмы, үз хокуклары һәм бурычлары булган кулланучыга әверелә.
Татарстан Республикасы Дәүләт алкоголь инспекциясенең Казан территориаль органы хезмәткәре Питрәч муниципаль районының «Күп профильле Лицей» МББУ укучылары өчен семинар үткәрде.
Чаралар «Кулланучылар хокукларын яклау турында» РФ Законының кулланучылар культурасы үзенчәлекләре турындагы статьяларын яктыртуга юнәлдерелгән иде.
Укучыларны таныштыру өчен, сатучыга (башкаручыга) карата дәгъваны ничек рәсмиләштерергә, кулланучылар хокукларын яклау, көнкүреш һәм коммуналь хезмәтләр күрсәтү, товар сату, банк хезмәтләре күрсәтү, шулай ук кулланучыларның төп хокуклары, үз хокукларын яклауны гамәлгә ашыру механизмы турында белешмәләр тәкъдим ителде.
Моннан тыш, Татарстан Республикасы Дәүләт алкоголь инспекциясе эшчәнлеге, аерым алганда, Казан территориаль органының кулланучылар хокукларын яклау өлкәсендәге функцияләре турында мәгълүмат бирелде.