Әтнә районында Кулланучылар белеме
Татарстан Республикасы Дәүләт алкоголь инспекциясенең Арча территориаль органы белгече Әтнә муниципаль районының «Кубян урта гомуми белем бирү мәктәбе» МББУның 8-10 сыйныф укучылары белән сыйныфтан тыш дәрес үткәрде. Мәктәп укучыларына «Кулланучылар хокукларын яклау турында» РФ Законының төп нигезләмәләре, сыйфатсыз товарлар сатып алганда килеп чыккан конфликтлы ситуацияләрне хәл итү тәртибе, техник яктан катлаулы көнкүреш товарларын сату үзенчәлекләре, башкарылган эшнең кимчелекләре ачыкланганда кулланучы хокуклары аңлатылды. Бүгенге көндә бөтен дөньяда бизнесның иң тиз үсеш алучы һәм перспективалы юнәлешләренең берсе - товарларны дистанцион сату ысулы. Белгеч катнашучыларны РФ Хөкүмәтенең 2020 елның 31 декабрендәге 2463 номерлы карары белән расланган «Кулланучылар хокукларын яклау турында» РФ Законының 26.1 маддәсе, «Товарларны дистанцион ысул белән сату кагыйдәләре» белән таныштырды. Территориаль орган белгече кулланучылар хокукларын яклау өлкәсендәге гамәлдәге законнарны аңлаткан актуаль темалар буенча буклетлар таратты.