Кулланучылар белемен арттыру буенча укучылар белән очрашу узды
Арча территориаль органы хезмәткәрләре мәктәп укучылары өчен кулланучылар белемен арттыру буенча чаралар үткәрә. Мондый очрашуларны үткәрүдә төп максатлардан тыш, төп бурычларга да ирешәләр: яшьләр арасында хокук бозуларны һәм җинаятьләрне профилактикалау, сәламәт яшәү рәвешен пропагандалау, яшьләрне патриотик тәрбияләү, бигрәк тә бу Россиядә иң мөһим бәйрәмнәрнең берсе – Җиңү көне алдыннан актуаль.
6 нчы номерлы Арча урта гомуми белем бирү мәктәбенең 8 нче сыйныф укучылары Татарстан Республикасы Дәүләт алкоголь инспекциясенең Арча территориаль органы белгече белән очраштылар. Аралашу атмосферасы хокукый нигезләрне өйрәнүгә, актив гражданлык позициясен формалаштыруга ярдәм итте. Балалар оешма эшчәнлеге белән бәйле сораулар белән кызыксындылар, үзләрен кызыксындырган сорауларга җаваплар ишеттеләр. Белгечләр бу очрашулардан яшүсмерләрнең максималь файда алачагына ышана: алар үзләренең хокукый белемнәрен арттырачаклар, бу исә, үз чиратында, аларны уйламыйча эш итүдән саклаячак, шулай ук алар җинаять корбаннары була алган ситуацияләрдән котылып кала алачаклар.
Укучыларга «Кулланучылар хокукларын яклау» темасына республика Олимпиадасын үткәрү турында мәгълүмат бирелде һәм кулланучылар хокукларын яклау өлкәсендә тематикалы басма продукция таратылды.