Хокукларыбыз турында сөйләшәбез: «Хезмәт ветераннары өчен Пансионат» МАУда очрашу булды
Яр Чаллы шәһәренең «Хезмәт ветераннары өчен Пансионат» МАУ учреждениесендә Татарстан Республикасы Дәүләт алкоголь инспекциясенең Яр Чаллы территориаль органы эчке базарны үстерү һәм координацияләү бүлеге белгечләре белән очрашу узды.
Пансионаттагы чаралар һәрвакыт дустанә атмосферада уза, ял итүчеләргә РФ законының 07.02.1992 елгы 2300-1 номерлы «Кулланучылар хокукларын яклау турында» (алга таба - «Закон») төп статьялары аңлатылды. Әлеге көннәрдә биредә 30дан артык кеше ял итә. Анда катнашучылар үзләренең тормыш ситуацияләреннән чыгып сораулар бирделәр, күпләрне азык-төлек товарларының сыйфаты кызыксындыруы ачыкланды.
Белгечләр ял итүчеләр белән куллану гадәтләрен үзгәртү, экологик чиста товарлар һәм хезмәтләр сайлау, «ЭКО» продуктларга, экологик чиста транспортка өстенлек бирү һәм экологик электр белән тәэмин итүне куллану кирәклеге турында сөйләштеләр. Практикада җитештерүче дә үз чиратында экологик чиста товарлар җитештерүгә омтылачак, уртак тырышлык климат кризисын булдырмау юлында зур үзгәрешләргә китерәчәк дигәнне аңлата. Шулай ук мисалларда катнашучылар белән тиешле һәм тиешсез сыйфатлы товарлар сатып алуда кулланучының нинди хокуклары барлыгын тикшерделәр, Законның 18, 25 статьяларын тикшерделәр. Белгечләр барлык сорауларга да тулы җаваплар бирделәр.
Очрашу ахырында барлык ял итүчеләргә Яр Чаллы территориаль органының «Кайнар линия» телефоны эше турында хәбәр ителде.
«Пансионат» җитәкчелеге белгечләргә очрашу үткәргәннәре, шәһәр халкының кулланучылар белемен күтәргәннәре өчен рәхмәт белдерде һәм һәр заездның ял итүчеләре белгечләр белән очрашуны түземсезлек белән көтәләр, диде. Шулай ук киләчәктә нәтиҗәле хезмәттәшлеккә өмет белдерделәр.