КФУ институтының Яр Чаллы филиалында икътисад бүлеге студентлары белән очрашу узды
Югары икътисад мәктәбендә Татарстан Республикасы Дәүләт алкоголь инспекциясенең Яр Чаллы территориаль органы хезмәткәрләре һәм икътисад бүлеге студентлары белән очрашу узды. Яр Чаллы территориаль органы вәкилләре студентларга Кулланучылар базары өлкәсендә гамәлдәге законнар турында сөйләделәр. Мисалларда РФ 2300-1 07.02.1992 елгы «Кулланучылар хокукларын яклау турында»гы Законының төп статьяларын куллануны аңлаттылар.
Очрашу ахырында конкрет көнкүреш ситуацияләрен тикшерү белән фикер алышу булды.
Студентлар территориаль орган вәкилләре Роза Прилукова һәм Лилия Камаловага кулланучыларның көнүзәк проблемалары турында сораулар бирделәр һәм фикер алыштылар. Лилия Камалова 2300-1 07.02.1992 елгы «Кулланучылар хокукларын яклау турында»гы РФ законының төп статьяларына тукталды, ә аннары Роза Прилукова сорауларга җентекләп җаваплар һәм түбәндәге темалар буенча файдалы мәгълүмат бирде:
- кулланучылар хокуклары турындагы закон ничек эшли, физик зат белән эшмәкәр арасындагы мөнәсәбәтләргә ничек тәэсир итә;
- чек булмаган очракта сыйфатсыз товарны кире кайтарырга теләсәң, нәрсә эшләргә кирәк;
- сезонлы товарлар нәрсә ул.
Интерактив форматта уздырылган бу очрашу студентлар арасында зур кызыксыну уятты һәм булачак икътисадчылар өчен файдалы булды.
Наталья Жарина Предприятиеләр һәм оешмалар икътисады кафедрасы исеменнән территориаль орган хезмәткәрләренә рәхмәт һәм алга таба хезмәттәшлек итәргә теләк белдерде.