Кулланучыларга туристлык хезмәтләре күрсәтү тәртибе турында мәгълүмат җиткерелде
Татарстан Республикасы Дәүләт алкоголь инспекциясенең Чистай территориаль органы һәм ТР буенча Роспотребнадзор идарәсе хезмәткәрләре тарафыннан Нурлат шәһәренең «Марина-Тур» туристик агентлыгында консультация өстәле оештырылды.
Чара барышында «Россия Федерациясендә туристлык эшчәнлеге нигезләре турында» Федераль законның төп нормалары тикшерелде, шул исәптән туристлык базары конъюнктурасыннан чыгып яки туристның конкрет заказы буенча формалашкан туристлык продукты турындагы мәсьәлә каралды.
Кулланучыларга башкаручының кулланучыга гамәлгә ашырыла торган хезмәтләр (туристлык продукты) турында, аларның дөрес сайлану мөмкинлеген тәэмин итеп, тулы һәм ышанычлы мәгълүмат бирергә тиешлеге турында җиткерелде. Аерым алганда, тору программасы, маршрут һәм сәяхәт шартлары, шул исәптән урнаштыру чаралары, яшәү шартлары (урнаштыру чарасы урнашкан урын, аның категориясе) һәм туклану, вакытлыча тору илендә (урынында) турист ташу буенча хезмәтләр, экскурсовод (гид), гид-тәрҗемәче, инструктор-проводник булу, шулай ук өстәмә хезмәтләр турында мәгълүмат бирелергә тиеш.
Кулланучылар белән консультация өстәле вакытында туристлык хезмәтләре өлкәсендә кулланучылар базарындагы бәхәсле хәлләрне карадылар, Татарстан Республикасы Дәүләт алкоголь инспекциясе компетенциясенә кагылышлы барлык сорауларга җаваплар бирделәр.