Законнарны аңлату буенча чираттагы лекция үткәрелде
Татарстан Республикасы Дәүләт алкоголь инспекциясенең Чистай территориаль органы эчке базарны үстерү һәм координацияләү бүлеге консультанты Бөтенроссия инвалидлар җәмгыятенең Чистай шәһәр оешмасында кулланучылар хокукларын яклау турындагы законнарны аңлату буенча чираттагы лекция үткәрде.
Озакка сузылган әңгәмә нәтиҗәсендә кулланучылар хокукларын яклау турындагы законнарның киң спектрын, шул исәптән товар сатуда кулланучылар хокукларын, халыкка көнкүреш хезмәт күрсәтү кагыйдәләрен карадылар.
Оешма җитәкчесе үтенече буенча килешүне өзү һәм бәясе шактый арткан тиешле сыйфатсыз товар өчен акчалата сумманы кайтару тәртибен җентекләп өйрәнделәр. Бу күренеш хәзерге вакытта актуаль, чөнки күп кенә товарлар соңгы вакытта кыйммәтләнә һәм килешүне өзгәндә сатучылар зур сумманы кире кайтарырга теләми.
Халыкка көнкүреш хезмәте күрсәтү өлешендә, сорауга җавап биреп, тыңлаучыларга хезмәт күрсәтү (эшләр башкару) турында килешүнең язма рәвештә рәсмиләштерелүе турында аңлатма бирелде. Бу квитанция, чек яки килешү төзү фактын раслаучы башка документ булырга мөмкин. Бу документ югалган очракта, әйбер кулланучының паспорт яки кулланучының шәхесен раслаучы башка документын күрсәтү буенча язма гаризасы нигезендә бирелә.
Чара барышында Татарстан Республикасы Дәүләт алкоголь инспекциясе компетенциясенә кагылышлы башка мәсьәләләр дә каралды.