Сатучы кулланучыга китерелгән зыянны түләргә тиеш
Татарстан Республикасы Дәүләт алкоголь инспекциясенең Чистай территориаль органына телефон аша Чистай шәһәрендә яшәүче хатын-кыз сатучының сыйфатсыз товар сатып алу белән бәйле зыянны түләтү тәртибен аңлатуны сорап мөрәҗәгать итте. Гражданка гараж өчен сатучыдан электр счетчигы сатып алган. Челтәр компаниясе хезмәткәрләренә аны урнаштыру һәм челтәргә тоташтыру өчен тиешле сумманы түләгән. Әмма берникадәр вакыттан соң исәпләү приборы эшләми башлый, һәм кулланучы аны алыштырырга карар итә, ә бу кабат сүтү һәм монтажлау чыгымнары дигән сүз.
РФ «Кулланучылар хокукларын яклау турында»гы законы кулланучыларга тиешле сыйфатсыз товар сату нәтиҗәсендә китерелгән зыянны яки башкарылган эшнең (күрсәтелгән хезмәтнең) җитешсезлекләре аркасында китерелгән зыянны тулысынча түләтүне таләп итү хокукы бирә.
Кулланучыга сатучыга зыянны түләтү буенча таләпләр кую тәртибе аңлатылды. Әгәр кулланучы исәпкә алу приборын урнаштыру өчен түләгән һәм ул сатучы гаебе белән яраксыз хәлгә килгән икән, кулланучы таләпләрен үтәгән очракта сатучы приборны монтажлау һәм демонтажлау буенча килеп чыккан чыгымнарны да түләргә тиеш. Моның өчен сатучыга касса чегын яки түләү фактын раслаучы башка документны күрсәтергә кирәк. Сатучы тиешле таләпне куйганнан соң ун көн эчендә югалтуларны канәгатьләндерергә тиеш.