Бәяләр мониторингын үткәрү турында

2023 елның 23 августы, чәршәмбе

Татарстан Республикасы Дәүләт алкоголь инспекциясенең Казан территориаль органы эчке базарны үстерү һәм координацияләү бүлеге хезмәткәрләре тарафыннан атна саен социаль әһәмиятле азык-төлеккә бәяләр мониторингы үткәрелә.

Мониторинг барышында хезмәткәрләр һәр позицияне карарда билгеләнгән таләпләргә туры китереп игътибар белән карыйлар. Бәяләр үзгәрүе продукциянең яңа партияләренең башка бәяләр буенча керүе, шулай ук ассортиментның яңартылуы һәм киңәйтелүе белән бәйле. Ә күпләп сатучыларның сату бәяләре тирбәлеше илнең төрле төбәкләрендәге җитештерүчеләрнең бәяләренә турыдан-туры бәйле.

Бәяләр формалашуда продукциянең сезонлылыгы, шул исәптән бәяләр күтәрелү һәм бәйрәмнәрдә аерым төр продукциягә ихтыяҗның артуы зур роль уйный.