Алексеевск мәдәният йортында Өлкәннәр көненә багышланган бәйрәм чаралары узды
Матур традиция буенча, Халыкара өлкәннәр көненә Алексеевск районы мәдәният йортында бәйрәм чаралары узды. Бәйрәм кунаклары өчен фойеда сыйлау оештырылган иде. Шулай ук кунакларга ветераннар Советы һәм башка өлкән яшьтәге осталар әзерләгән картиналар һәм эшләнмәләр күргәзмәсе тәкъдим ителде, эшләнмәләрне кисү һәм спица белән бәйләү буенча мастер-класслар үткәрелде. Халык үзешчән артистлары, шул исәптән балалар коллективлары тамашачылар өчен матур концерт программасы әзерләделәр.
Бу чара шатлык, соклану һәм үзара илһам белән узды, катнашучылар өлкән яшьтәге кешеләргә үз мәхәббәтләрен һәм кайгыртуларын бүләк итә алдылар, ә алар, үз чиратында, шундый искиткеч бәйрәм өчен рәхмәтле булып калдылар.
Чара барышында Татарстан Республикасы Дәүләт алкоголь инспекциясенең Чистай территориаль органы һәм Татарстан Республикасы буенча Роспотребнадзор идарәсе белгечләре Алексеевск шәһәр тибындагы бистә администрациясе вәкилләре катнашында, өлкәннәр өчен барлык кызыксындырган мәсьәләләр буенча әңгәмәләр үткәрделәр һәм консультацияләр бирделәр, шул исәптән Кулланучылар хокукларын яклау темасы буенча да.