Кулланучы сыйфатсыз электр самокаты сатып алган
Татарстан Республикасы Дәүләт алкоголь инспекциясенең Чистай территориаль органына шәһәрдә яшәүче тиешле сыйфатсыз товар сатып алу ситуациясендә аның хокукларын аңлатуны сорап мөрәҗәгать итте.
Гражданин яз көне үк 600Вт куәте (тизлеге 35-40 км/сәг) булган K. электр самокатын сатып алган һәм хәзерге вакытка кадәр аны гарантияле ремонт өчен сатучыга күп тапкырлар тапшырган. Чираттагы ремонттан соң да товарның кимчелеге кабат барлыкка килгән.
Сатып алучыга Россия Федерациясенең гамәлдәге законнарына нигезләнеп аңлатма бирелде. Аның нигезендә әлеге самокат моделе транспорт чарасы булып саналмый, чөнки 4 кВттан артык куәте булган индивидуаль мобиль чаралары гына, яки аларның максималь конструктив тизлеге 50 км/сәг.артык булганда, гомуми файдаланудагы юлларда хәрәкәт итү өчен билгеләнгән транспорт чарасы дип таныла. Гражданның электр самокаты двигателе куәте 600 Вт һәм шуңа күрә ул техник яктан катлаулы товарлар исемлегенә керми. Шуңа бәйле рәвештә, гарантия срогы дәвамында кулланучы сатучыга РФ «Кулланучылар хокукларын яклау турында»гы Законының 18 статьясында каралганча, теләсә нинди таләпне, шул исәптән акчаны кире кайтаруны да, күрсәтергә хокуклы.
Кулланучыга дәгъва проектын төзүдә ярдәм күрсәтелгән. Әгәр дә аның таләпләре ирекле рәвештә үтәлмәсә, ул судка мөрәҗәгать итәргә хокуклы. Кирәк булганда, территориаль орган белгечләре дәгъва гаризасы проектын әзерләүдә хокукый ярдәм күрсәтергә әзер.