Күпфункцияле үзәктә кулланучылар өчен чара уздырылды
Бөтендөнья сыйфат көне безгә барлык эшчәнлек өлкәләрендә югары сыйфат дәрәҗәсенә омтылу кирәклеген искә төшерә. Сыйфат клиентларның ихтыяҗларын һәм өметләрен канәгатьләндерүдә, оешмаларның нәтиҗәлелеген һәм конкурентлык сәләтен арттыруда, шулай ук товарлар һәм хезмәтләрнең куркынычсызлыгын һәм ышанычлылыгын тәэмин итүдә хәлиткеч роль уйный.
Татарстан Республикасында КФҮ ДБУның Бөгелмә филиалында Татарстан Республикасы Дәүләт алкоголь инспекциясенең Әлмәт территориаль органы тикшерү-инспекция бүлегенең әйдәп баручы белгеч-эксперты Лилия Степанова Татарстан Республикасы буенча Роспотребнадзор Идарәсенең Бөгелмә территориаль бүлеге белгеч-эксперты белән берлектә гражданнарны яклау мәсьәләләре буенча кабул итте.
КФҮ клиентлары белгечләрдән сыйфатлы һәм сыйфатсыз товар сатып алганда кулланучылар хокуклары турында, әгәр сатучы товарны алмаштырмаса яки түләнгән акчаны кире кайтармаса, шулай ук товарга гарантия булмаса, нәрсә эшләргә кирәклеге турында кызыксыналар.
Белгечләр РФнең гамәлдәге законнарына нигезләнеп җентекле аңлатмалар бирделәр, мөстәкыйль рәвештә дәгъваны ничек төзергә, ә кыенлыклар килеп чыкса, дәгъва проектын һәм дәгъва гаризасын төзүдә ярдәм күрсәтәчәк белгечләргә мөрәҗәгать итәргә кирәклеген аңлаттылар.
Кизү тору вакытында кулланучыларга Татарстан Республикасы Дәүләт алкоголь инспекциясенең территориаль органнары элемтәләре белән файдалы мәгълүмати материаллар тәкъдим иттеләр.