Казан территориаль органы белгечләре «Сердце гармонии» пансионатында булдылар
Инвалид кулланучылар хокукларын яклау җәмгыятьнең барлык әгъзалары тарафыннан игътибар һәм көч таләп итә торган мөһим бурыч булып тора. Без инвалидларның товарлар һәм хезмәтләр алуда тигез мөмкинлекләре булсын өчен, аларның хокуклары закон дәрәҗәсендә яклансын өчен тырышырга тиешбез.
Инвалидлар декадасы кысаларында Татарстан Республикасы Дәүләт алкоголь инспекциясенең Казан территориаль органы эчке базарны үстерү һәм координацияләү бүлеге хезмәткәрләре «Сердце гармонии» пансионаты карамагындагылар һәм хезмәткәрләре өчен кулланучылар хокукларын яклау буенча семинар үткәрделәр.
Алар очраткан проблемалар буенча, мәсәлән, тиешле сыйфатлы товарларны кайтару вакыты, сыйфатсыз азык-төлекне кайтару вакыты, кибетләрдәге бәяләрнең туры килмәве турында фикер алыштылар. Кулланучылар хокуклары, өлкәннәргә һәм инвалидларга карата мошенниклык гамәлләре турында сөйләделәр.
Анда катнашучыларга үз хокукларын яклау буенча беренче адым булып сатучыга яки хезмәт күрсәтүчегә мөрәҗәгать итү, аңа үз таләпләрен белдерү, шулай ук акчаны кире кайтаруны яки товарны алыштыруны сорау кирәклеге аңлатылды. Әгәр сатучы проблеманы хәл итүдән баш тартса, Татарстан Республикасы Дәүләт алкоголь инспекциясенең Казан территориаль органына ярдәм сорап мөрәҗәгать итәргә киңәш ителә.
Барлык катнашучыларга Татарстан Республикасы Дәүләт алкоголь инспекциясе контакт мәгълүматлары белән буклетлар һәм файдалы мәгълүмат тупланган газета таратылды.