Кулланучы әлифбасы: чаңгы сатып алганда хаталар
Кыш карлы булырга вәгъдә итә! Чаңгыга басарга вакыт!
Чаңгы шуу - ачык һавада спорт һәм чаңгы спорты белән шөгыльләнү өчен бик яхшы чара. Шуны әйтергә телибез: спорт җиһазларын сертификатланган һәм сыйфатлы булган, сыналган кибеттән сатып алу яхшырак.
Казан территориаль органының эчке базарны үстерү һәм координацияләү бүлегенә шәһәребездә яшәүче түбәндәге сорау белән мөрәҗәгать итте:
- Спорт кибетеннән чаңгылар сатып алдым, шунда ук хезмәткәрләр беркетүләр урнаштырдылар. Ләкин алар белән берничә тапкыр йөргәннән соң, аларның миңа туры килмәве һәм шуңа күрә йөрү бик авыр икәнен аңладым. Сатып алудан соң 8 көн узган, чек сакланып калган. Аларны кибеткә кире кайтарып буламы? Товар кыяфәте сакланган.
Россия Федерациясенең 1992 елның 7 февралендәге 2300-1 номерлы «Кулланучылар хокукларын яклау турында»гы Законының 25 маддәсендә болай дип әйтелә:
- Кулланучы, әгәр әлеге товар формасы, габаритлары, фасоны, төсе, күләме яки комплектлашуы буенча туры килмәсә, әлеге товар сатып алынган сатучыдан тиешле сыйфатлы азык-төлек булмаган товарны шундый ук товарга алыштырырга хокуклы.
Кулланучы тиешле сыйфатлы азык-төлек булмаган товарны сатып алу көнен исәпкә алмаганда, ун дүрт көн дәвамында алмаштырырга хокуклы.
Әгәр күрсәтелгән товар кулланылышта булмаса, аның товар төре, куллану үзлекләре, пломбалар, фабрика ярлыклары сакланып калса, шулай ук товар чегы яки касса чегы яки күрсәтелгән товар өчен түләүне раслаучы башка документ булса, тиешле сыйфатлы азык-төлек булмаган товарны алмаштыру үткәрелә. Кулланучының товар чегы яки касса чегы яки товар өчен түләүне раслаучы башка документ булмавы аны шаһит күрсәтмәләренә сылтама ясау мөмкинлегеннән мәхрүм итми.
Бу очракта хезмәткәрләр беркетүләрен урнаштырганнар һәм чаңгыда берничә тапкыр йөрелгән, димәк чаңгылар инде кулланылышта булган һәм товар күренешен югалткан, бу очракта чаңгылар кире кайтарылырга тиеш түгел.
Шуңа күрә, сатып алынган әйбер шатлык китерсен һәм аңа йөкләнгән барлык өметләрне акласын өчен, теге яки бу товарны сатып алганда ашыкмаска, игътибарлы булырга киңәш итәбез.