Кулланучыларга хезмәт күрсәтү сыйфаты һәм культурасы турында
Кулланучыларга хезмәт күрсәтүнең сыйфатын һәм культурасын күтәрү максатыннан, Татарстан Республикасы Дәүләт алкоголь инспекциясенең Казан территориаль органы эчке базарны үстерү һәм координацияләү бүлеге хезмәткәре Татарстан Республикасы Казан шәһәренең Совет районында хуҗалык итүче субъектлар вәкилләре белән семинарлар үткәрде.
Мондый семинарлар даими рәвештә үткәрелә. Чаралар барышында «Кулланучылар хокукларын яклау турында» 1992 елның 7 февралендәге 2300-1 номерлы Россия Федерациясе Законының төп нигезләмәләрен, законнардагы үзгәрешләрне, 2020 елның 31 декабрендәге 2463 номерлы ваклап сату-алу килешүе буенча товар сату кагыйдәләрен һәм 2020 елның 21 сентябрендәге 1514 номерлы Россия Федерациясендә халыкка көнкүреш хезмәте күрсәтү Кагыйдәләрен карыйлар.
Сатыла торган товарларга һәм кулланучылар почмагында бәяләрне рәсмиләштерү, сатучы һәм товарлар турында мәҗбүри һәм ышанычлы мәгълүмат булу, оешманың элмә тактасы булу, сатып алынган товарда җитешсезлекләр килеп чыкканда кулланучылар белән мәсьәләләрне ничек хәл итәргә, сатучының дәгъваларын карау тәртибе һәм вакыты турында аңлатмалар бирелә.
Чаралар вакытында мәгълүмат буклетлары һәм «Татарстан кулланучысы хәбәрләре» газетасы таратылды.
Шулай ук сәүдә предприятиеләрендә ваклап сату бәяләре мониторингы үткәрелгән.